ספר שמות יחידה 9

(כב:יז-כג:יט)

1A כב:יז מכשפה לא תחיה	1B כב:יח כל שכב עם בהמה מות יומת {ס}	1C כב:יט זבח לאלהים יחרם בלתי ליהוה לבדו
2A כב:כ וגר לא תונה ולא תלחצנו כי גרים הייתם בארץ מצרים	2B כב:כא כל אלמנה ויתום לא תענון כב:כב אם ענה תענה אתו כי אם צעק יצעק אלי שמע אשמע צעקתו כב:כג וחרה אפי והרגתי אתכם בחרב והיו נשיכם אלמנות ובניכם יתמים {פ}	2C כב:כד אם כסף תלוה את עמי את העני עמך לא תהיה לו כנשה לא תשימון עליו נשך כב:כה אם חבל תחבל שלמת רעך עד בא השמש תשיבנו לו כב:כו כי הוא כסותה לבדה הוא שמלתו לערו במה ישכב והיה כי יצעק אלי ושמעתי כי חנון אני {ס}
3A a כב:כז אלהים לא תקלל b ונשיא בעמך לא תאר	3B a כב:כח מלאתך ודמעך לא תאחר b בכור בניך תתן לי כב:כט כן תעשה לשרך לצאנך שבעת ימים יהיה עם אמו ביום השמיני תתנו לי	3C a כב:ל ואנשי קדש תהיון לי b ובשר בשדה טרפה לא תאכלו לכלב תשלכון אתו {ס}
4A a כג:א לא תשא שמע שוא אל תשת ידך עם רשע להית עד חמס	4B a כג:ד כי תפגע שור איבך או חמרו תעה השב תשיבנו לו {ס}	4C a כג:ז מדבר שקר תרחק ונקי וצדיק אל תהרג כי לא אצדיק רשע
b כג:ב לא תהיה אחרי רבים לרעת ולא תענה על רב לנטת אחרי רבים להטת	b כג:ה כי תראה חמור שנאך רבץ תחת משאו וחדלת מעזב לו עזב תעזב עמו {ס}	b כג:ח ושחד לא תקח כי השחד יעור פקחים ויסלף דברי צדיקים
c כג:ג ודל לא תהדר בריבו {ס}	c כג:ו לא תטה משפט אבינך בריבו	c כג:ט וגר לא תלחץ ואתם ידעתם את נפש הגר כי גרים הייתם בארץ מצרים
5A כג:י ושש שנים תזרע את ארצך ואספת את תבואתה כג:יא והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך	5B a כג:יב ששת ימים תעשה מעשיך וביום השביעי תשבת למען ינוח שורך וחמרך וינפש בן אמתך והגר b כג:יג ובכל אשר אמרתי אליכם תשמרו ושם אלהים אחרים לא תזכירו לא ישמע על פיך	5C a כג:יד שלש רגלים תחג לי בשנה כג:טו את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם כג:טז וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה כג:יז שלש פעמים בשנה יראה כל זכורך אל פני האדן יהוה b כג:יח לא תזבח על חמץ דם זבחי ולא ילין חלב חגי עד בקר כג:יט ראשית בכורי אדמתך תביא בית יהוה אלהיך c לא תבשל גדי בחלב אמו {פ}